Предтечи и Крестителя Иоанна

Явихся весь Человек ныне, приступен тебе бых, Естеством Неприступный, волею обнищах, Богат сый, яко да обнищавшее обогащу нетлением и избавлением. Приступи, крести тлению неподлежащаго и мир от тли изымающаго.

Яко виде Тя, Владыко, Иоан<н> Предтеча, к нему идуща, ужасен быв, яко благонравен раб со страхом вопияше: кое сми­рение, Спасе? кая нищета, в нюже одеялся еси? Богатством благо­сти смирившагося человека вознес, яко Благоутробен, яко в него одеявыйся.

Огнем Божества Невещественным в плоть вещественну одеявся, Иорданскою облагается водою воплощейся от Девы Гос­подь, яко прославися.

Непроходимое волнящееся море Божиим Своим велением изеушившему и пешешествовати сквозе с израильтеския люди наставльшему, Господеви поим: славно бо прославися.

Погружаема мя страстей бурею, Предтече, молитвами твоими предварив, спаси: безстрастия бо сам был еси прияте- лище честное и чистейшее, Господу свыше от младенства воз­ложен.

На камени мя веры утвердив, разширил еси уста моя на вра­ги моя, возвесели бо ся дух мой, внегда пети: несть Свят, якоже Бог наш, и несть праведен, паче Тебе, Господи.

Преестественныя добродетели светлостьми озарен, яко от Небеснаго тайновождения водам еси предстал¹ Иорданским, крещая и очищая водою, Предтече, верою душевною приступаю­щий тебе.

Чистый и Нетленный Свет хотя кресгити, сосуд чистейший показался еси, Иоан<н>е: Болий бо всех от Него предызбрался еси, пророков же честнейший, Пророчествованного сподобился бо^{[217] [218]} еси видети.

Кто виде, или кто слыша, когда Безсквернаго созданию верх преклоняюща, рукою вся Содержащего? Тем трепетно Крести­тель вопияше: иного, паче Тебе, Бога не вем.

Земных попечений не уведел еси и Небесными надеждами обогатился еси: на земли, яко Ангел, жизнь совершил еси, Все­блаженне!

Юноши благочестивый, пещи огненней приобщившийся, шумящ дух росный невредимы сохрани и Божия Ангела снизхож- дение. Темже, в пламени орошаемы, благодарственно воспеваху: препетый отцев Господи и Боже, благословен еси.

Славы Отчий зачала еси несказанно Превечное Осияние и Слово Безначальное, в начале сущее разумеваемое, и ныне из Тебе перворожденна, Всечистая, бывша неизменно твари.

Х1УИ

Преподобнаго Отца нашего Георгия Хозевита,
и Преподобный Домники, и Емилиана Исповедника

Твоея души краеградия помыслов не поколебаша прилоги, Блаженне: ты бо, якоже забрало, предложив твердое твое пощение, соблюл еси тебе самого от лютого борца неуязвленна и невредна весьма и предстал еси Владыце всех, победительно венчаем.

Долележанием таем, и слезами дручим, и всенощными стоя­нии изнуряем, монахов был еси образ величайший, и общее прави­ло, и хвалы венец. Всяк бо вид добродетелей исправил еси, и Выш­няго Царствия наследник явился еси, мудре, воздержанием.

Светлый и просвещаяй человеки, Свет самосиянный Ты сый, Иисусе мой, в струях Иорданских крещся, весьма просиял еси, Свете, Единосущный Отцу Твоему, Имже вся тварь про- свещшися, Христе, зовет Тебе: благословен, явлейся Боже наш, слава Тебе.

Доброотроковицу ныне чествую Домнику.

Дреманием злобы никакоже, славная, воздремавшися, побде- ла еси светозарными деяньми и к Свету Невечернему отшла еси, отонудными светлосгьми облияна, и просвещаеши поющия тя.

Ветрилом окрилена воздержания, достигла еси в безстра- стия, славная, пристанища. Пристанище же была еси во глубинах злобы поползшимся.

Явился еси светило пресветлое, Георгие, озаряя Божествен­ными зарями верно зовущия ти: моли о нас Владыку Христа, явльшагося во струях и просвещшаго земнородныя.

Многаго в пощении и славнаго Небеснаго гражданина, и верных молитвенника воспоим ныне и величаем, <ибо Благоиз- волившему взыти на Крест потщася угодити болезньми непороч­ными воистинну и славным своим житиемх

Небо некое явился еси, деяньми, яко звездами, украшен, нося, якоже солнце, Господа, твою душу, яко луну, озаряюща и показующа Своея славы причастника.

Украсила еси, Чистая, Ты человеков исполнение: Ты бо яви­лася еси пространнейши небесныя широты, рождшая Бога Сло­во, яко кожу, небеса, Отроковице, простершаго и земныя возсоз- давшаго.

Землю возделавши и ралом молитв секущи душевную браз­ду многоплодну, пожала еси плод в Божественных житницах, чис­тая, соблюдаем.

Просвещающи чистый твой помысл, сияние Вседетельнаго Духа показует дальная, яко близ, и будущих предглаголет сбытие.

Взялся еси к Свету Незаходимому, славне, тьмы жития из- бавився, и Вседержителю и трисолнечному Свету предстоиши с Вышними чинми, и отонудныя наслаждаешися испущаемыя светлости, Блаженне, и нас озаряеши, поющих тя.

ХЬУШ