Филимона и иже с ними. 14/26

На одре возлежу^{[165] [166]} уныния, Всенепорочная, и леностно про- хожду житие, и ужасаюся конца моего времене, Богородице, да, не якоже лев, нещадно расторгнет смиренную мою душу змий вселукавый. Темже Твоею благостию, прежде конца предварив­ши, к покаянию мя воздвигни.

Строгания телесная, огненная стремления и зверей, и моря юношески подъял еси, пребогате, силою Креста, Мучениче Фирсе, укрепляем.

Подвигов ранами удобрялся, душу светлейшу солнечнаго сияния соделал еси, яко воин Христов, Страсготерпче Мучениче Левкие.

Божественнейшими богосиянно, мученицы всехвальнии, зарями освящении, преидосге безбожия непостоянную пучину и к Божественней тишине преминусге.

Ветры движими Божесгвеннаго Духа, мудрии, душевная вождения во умная пристанища прерадостно спасосге, мучени­цы, наслаждающеся купно обожения.

Одождении Божественными угасисге многобожия пещь, разжегшеся Божественною любовью прерадостно, и ныне песно- поете, страдальцы: благословен еси, Боже отец наших.

Гонящаго Божественною уловивше мрежею, досгочуднии, извлекосте из глубины лестныя и Христу приведосге, поюще^[167] теп­ле: благословен еси, Боже отец наших.

Погруженну показав вражию силу, глубиною мужества и терпения твоего, о Ариане, Царствия сподобился еси, неподви- жимаго во вся веки.

XXI КА

<Святаго> священномученика Елевферия
и преподобнаго <отца нашего> Павла,
иже в Латре. 15/27

От юности, преподобие, ярем Господень восприем, и, в браз­дах твоего сердца пшеницу сеяв духовную, клас пожал еси, утвер- ждающ души, Богоблаженне.

Теплым желанием сотворшаго, сградальче Богомудре, дер­жим, разжженней тебе самого повергаеши хитрости, орошаем Духа огнем, Елевферие.

Во священницех священнейший и в мученицех мученик твердейший явлься, венец сугуб приял еси, блаженне, Лице Божие выну видя.

Окормляем силою вседетельною и ветрилом окриляем¹ Крестным, легко преплыл еси житейскую бурю и к Божествен­ным истинно пристанищем досгигл еси, добродетелей куплю многу стяжав, юже Владыце всех принесл еси.

Сосуд священнейший явлься, миро Небесное, Христа при­ял еси сердцем твоим и, свешу твоего терпеливнаго воздержания жительством добродетельным вжег светло, к Невесгнику Боже­ственному востекл еси.

Смотряя будущую жизнь, блаженне, миру умертвился еси сисгинно, и, яко злато, язвенными искушении разжегся, просиял еси,> и положился еси в сокровищах Небесных обителей.

Чисгейшу Тя Едину обрет, Всенепорочная, Слово Чистей­шее Божие, из чрева Твоего родився, верныя очищает оскверне­ния, Богоневесго, прибывшая нам от неудержания страстей.

Удалился еси, бегая мирских молв, и, в пустыни псаломски водворився, <Бого>блаженне, приял еси Бога в сердцы твоем, Ангельским хранением тебе соблюдающа^{[168] [169]}.

XXII ^[170]

Святого Стефана Исповедника,
<архи>епископа Сурожскаго

Вострубим трубою песней, стецемся, православнии, и узрим победительства пастыреначальника Сурожскаго и учителя наше­го. Царие и князи посрамишася от Стефанова сграшнаго явления, царя бо обличи, образу Христа Бога <нашего>, не восхотевшаго покланятися. <Пастырие и учителие Православный паствы, Христова пасгыреначальника, приидите, восхвалим, Ангелов сожительника и мучеников похвалу, архиереев славу, и> по вере поборника, и нашего теплаго заступника, путьшесгвующим спу- тешесгвенника и плавающим окормителя, везде теплаго предста­теля; первопресгольника Сурожскаго восхваляюще, тако рцем: всесвяте Стефане, предвари и избави нас¹ искушения всякаго, и спаси паству сию молитвами твоими.

Стефане Богомудре, верховный отче, Ангелом равне, Суро- жу утверждение, не отвержи, но песненно приими, яко кадило, от убожества моего, еже ти принесох, недостойный.

Жезлом воздержания страстей море разделил еси, блаженне, якоже Моисей, и на безстрастия гору вшел еси, прием разумныя скрижали, Церковь научил еси Христову закону духовному.

Ты праведне озарился еси Трисолнечным Светом Несоз- данныя Троицы, того нам поели, поющим его, и на Небеси того сподоби нас в Троице воспевати, блаженный отче, Богоносный Стефане.

Радуйся, едина^{[171] [172]} Богородице, радость рождшая, Ангельская красото и человеков великое прибежище, грешных простыне, волнующихся пристанище, Дево.

Вышняго силою, священне, укрепився, царева низложил еси иконоборная шатания; днесь Сурожу и нам верным предле­жат^[173] слава и богатство, святыя твоя мощи, ихже свыше дароносят Ангельстии чинове, песньми и пением славословят тя, великий священный Стефане.

Окорми молитвою твоею Церковь твою многочеловечную и бури ветр противных чувственных и мысленных устави твоими молитвами, и запрети, и избави всяких искушений и смущений, и даже до конца неврежденнуск»¹ соблюди.

XXIII