Преподобнаго Антония Сийскаго

Мирскаго пристрастия возгнушався, сущая мира сего, яко не сущая вменил еси² и, сего ради от всех упразднився, безмолвно жити избрал еси, несмутным умом и немятежным сердцем выну служа Богу, <отонудуже и сосуд Святаго Духа обрелся еси чисто­ты ради твоея, Емуже молися помиловати души наша>.

Божесгвенныя радости и веселия духовнаго <исполнена> явися твоя память, отче Антоние.

<Любовию Божиею укреплься, блаженне Антоние, желание плоти умертвил еси;> душевное <же> око от помысленных прилог свободно к Богу возвел еси и всего себе чиста представил еси Богу.

Желанием духовным распалився и мятежи мирския отринув, ко единому же Богу любовию прилепился еси и, Того вседушне взыскуя, во внутреннюю пустыню отшел еси, при водах вселився, идеже во слезах и трудех пребывая³ многолетное время.

¹ В автографе: ближайший

² Далее в автографе начата и зачеркнута строка из предшествую­щей в Минее стихиры: к присножелаемому тебе блаженству

³ В автографе: пребывал

К высоте безсграсгия досгигл еси, ума высокое смирением возвел еси Богу.

Крепкодушным терпением, многоболезненным страданием к неболезненным досгигл еси, идеже Свет невечерний и Ангелов¹ ликосгояние.

Егда Божественное рачение найде на тя, пребогате, тогда тяжесть мира от души твоея отринув, ветрило ума яко легко к Богу вперил еси, корабль твой направляя в тихое пристанище, идеже и сподобился еси святаго образа монашескаго благоукрашения.

Приидите, Боголюбезное стадо, монашеское собрание, с празднолюбезными чинми христианского множества Богоиме­нитых людей Божиих днесь восхвалим^{[147] [148]} Христова рачителя, граж­данина пустыннаго, монахов^[149] премудраго наставника, пустынни­ков похвалу с<вя>толепную, Божесгвенныя песни принесем ему.

В тихое и небурное пристанище безмолвия вшед, во отход­ную пустыню Боголюбезную, идеже с Богом един безмолвство­вал еси, тесным путем и прискорбным присношесгвовав^[150], тамо житие Ангельско проходил еси, неудобьпокоривое плоти возра­зив воздержанием, научив сего повиноватися благому помыслу в хотения Божия. Темже свет безсграсгия возсия тебе, в нем- же узрел еси Присносущаго Света, Христа Бога нашего. Егоже непрестанно молити молимся от всяких зол нас избавити, всече- сгное твое успение празднующий, и спасти души наша.

Утвердив твоя помышления, блаженне, упованием на Бога, вражиих наветов никакоже убояся, но мысленных рек стремле­ния, к душевной твоей храмине приражающаяся, возразил еси о камень терпения.

Желая, преподобие, насыщатися приснопребывающия сла­дости, былии саморасленными трилетное время проводил еси жизни твоея; темже и ныне получил еси трапезу ону негибнущия яди, но присно пребывающия в жизни вечней.

Многомятежие мира и непостоянную суету, яко прах, вме­нив, к премирным возвел еси ум твой, затвором безмолвия воз­держав телесная чувства, и, стяжав жизнь Ангельску, Богу угодил еси, демонов пагубник.

Смерть паче всего жития сего избрал еси, да Христу жити будеши, сего ради в мертвость повседневную вдаялся еси, труды постническими умерщвлял еси вся уды своя, исгнив плоть свою посты многими.

Потоки слезными пустыни напоил еси, блаженне, семя тру­дов твоих сея в них. Темже и сгоричный плод радостно пожал еси, вопия: слава силе Твоей, Господи.

Пучиною слез твоих море греховное потопил еси, погружая ум свой во глубину видений Божественных, идеже сокровенных тайн ясно зритель быв, прорекл еси комуждо напоследок хотящая быти им.

В пустынях, яко птич<ищ>ь, возгнездился еси, преподобие, от всех хотя Единому Богу единсгвовати; но, яко на свещнице, яве быша всем твоя исправления^[151], Богу тя прославляющу.

Обветшавшия ны горьким древле древа вкушением и пад- шия преступлением, Пречистая, обновила еси, Зиждителя рожд- ши, Слово Ипостасное, Дево Мати, Владычице.

XIII Г1

<Преподобнаго отца нашего> Нила,
новаго Чудотворца

Чувсгвенныя страсти телесныя укротив воздержания броз- дами, чудодейсгвенниче Ниле, и, ревность бе<з>плотных во плоти показав, вся плотская желания духу¹ повинул еси. Тем ныне в Небесных селениях водворялся, моли о душах наших.

Радуйся, преподобие отче наш Ниле, ты на остров Сто- лобное, яко на облак, радуяся, возшел еси и на нем молитвою и постом, чистотою и благоговением, смирением и беззлобием и всеми добродетельми, яко Ангел, подвизался <еси> во времен- ней сей жизни: двадесять бо и седмь лет препроводил еси, совер­шая заповеди Господни и устрояя себе на небесех палаты неру- котворенны и вечны, о нихже речено бысть: ихже око не виде, и ухо не слыша, и на сердце человеку не взыдоша, яже уготова Бог любящим Его; аможе и преселился еси к вечным обителям онем, и прият тя Господь с праведными, ихже житию последовал еси.

Сна твоим очесам не дал еси, блаженне Ниле, ни веждом дремания, дондеже сподобился еси праведных селения, яже уго­това Бог любящим Его.

Бодренными твоими молитвами, отче Ниле, и жестоким воздержанием Богу на земли добре угодил еси, и сего ради быв^{[152] [153]} страшен врагом и славен человеком.

Страстьми^[154] колеблющихся и бурею греховною погружае­мых, яко дерзновение имеяй ко Господу, всегда сохраняй, благоче­стно тя воспевающих и прославляющих.

Облистав зарею, просиял еси духовно и явился еси Выш­нему ликостоянию светел; озари ми ум, блаженне, Трисиянным Светом Божества и от страстей мя избави молитвами твоими.

XIV Д1