Заупокойный канон Октоиха, глас 4.

Припе́в: Ди́вен Бо́г во святы́х Свои́х, Бо́г Изра́илев.

Д ержа́й за десну́ю ру́ку ра́б Твои́х, наста́ви и́х на па́жить безсме́ртную, Спа́се, на зре́ние добро́ты Твоея́ страстоно́сцы му́ченики умоле́н быва́я.

Припе́в: Упоко́й, Го́споди, ду́шы усо́пших ра́б Твои́х.

Н еизрече́нную и блаже́нную сла́ву Твою́, преста́вльшыяся ве́рою насле́довати сподо́би, Христе́, презира́я прегреше́ния и́х, и оправда́й благода́тию, излия́нием Твоея́ кро́ве.

Припе́в: Упоко́й, Го́споди, ду́шы усо́пших ра́б Твои́х.

М е́ртвостию Твое́ю живоно́сною умертви́теля умертви́л еси́, Христе́ Бо́же, и́хже прия́т, и и́мже Твою́ воздая́ жи́знь, Са́м ны́не упоко́й ве́рныя рабы́ Твоя́.

Припе́в: П ресвятая Богородице, спаси нас.

К расе́н превысоча́йшими добро́тами, я́ко Бо́жий Сы́н: а я́ко из Тебе́, Де́во, воплоти́выйся и на Дре́ве пове́шен бы́в добро́ты не име́яше, сме́рть за все́х прия́т.

Канон прп. Василия исповедника, глас 4.

Припе́в: Преподобне отче Василие моли Бога о нас.

Восхожде́ние на ка́мени положи́в, о́тче, веры,/ напа́стей не убоя́лся еси́ стремле́ния,/ но непоколеби́м пребыл еси́, я́ко доброде́тели побо́рник/ и я́ко царствия тезоимени́т.

Припе́в: Преподобне отче Василие моли Бога о нас.

Благода́ть Пресвятаго Духа тя укрепи́вши,/ боле́зненныя ра́ны претерпе́ти утверди́/ и победоно́сца показа́ на мучи́теля суему́дреннаго.

Сла́ва: П реподобне отче Василие моли Бога о нас.

Сострада́льца и своина му́дра, о́тче, получи́л еси́, доброде́тельми преспева́юща присно,/ с ни́мже, ра́дуяся, пребога́те, по́двиг страда́ния проше́л еси́ мучением.

И ныне, Богородичен: Предстата́льницу, и спасе́ния Хода́таицу, и сте́ну необориму,/ Тя предлагаю моея жизни, Богородице Всепе́тая,/ Бога ро́ждшую, Благоде́теля всея́ твари.

Песнь 3.

Заупокойный канон Октоиха, глас 4.

Припе́в: Ди́вен Бо́г во святы́х Свои́х, Бо́г Изра́илев.

Победи́вше и́дольскую пре́лесть му́ченицы, Влады́ку и Бо́га ны́не мо́лят, дарова́ти пре́жде сконча́вшымся Боже́ственный поко́й.

Припе́в: Упоко́й, Го́споди, ду́шы усо́пших ра́б Твои́х.

Обраща́ющееся ору́жие премину́ти благоволи́, и дре́ва живо́тнаго подо́бно прича́стие улучи́ти, я́же преста́вил еси́ рабы́ Твоя́, Влады́ко.

Припе́в: Упоко́й, Го́споди, ду́шы усо́пших ра́б Твои́х.

В раи́, Христе́, пи́щи водвори́тися рабо́м Твои́м сподо́би, иде́же гла́с чи́ст пра́зднующих, согреше́ний оставле́ние те́м да́руя.

Припе́в: П ресвятая Богородице, спаси нас.

Боже́ственному рождеству́ де́вство сочета́ла еси́, Пречи́стая: Зижди́теля бо вся́ческих несказа́нно родила́ еси́, Его́же хоте́нию вся́ повину́ются.

Канон прп. Василия исповедника, глас 4.

Припе́в: Преподобне отче Василие моли Бога о нас.

Напра́вил еси́ усердно твое́ сердце к Богу, преподо́бне,/ постною благода́тию и испове́данием просия́л еси́.

Припе́в: Преподобне отче Василие моли Бога о нас.

Во́инство восприи́м и всеору́жие Креста́,/ победи́л еси́ мы́сленнаго змия и чувственнаго, о́тче, льва.

Сла́ва: Соблю́дше благочести́ве, еже по образу души́, преподо́бнии,/ Христов пречистый чтуще образ, пострада́сте.

И ныне, Богородичен: Благослови́ся Тобою пе́рвая клятва,/ и тле́нием держи́мое естество́ наше, Чистая, нетле́ние прия́т.

Седа́лен, глас 3. Подо́бен: Красоте́ де́вства:

Бо́гатство тле́нное и славу теку́щую оста́вив,/ Небесное бога́тство восприя́л еси́/ и славу, о́тче, вои́стинну, блаже́нне, вечную./ Те́мже блажи́м свято́е твое успе́ние/ и, торжествующе, в нем вопие́м ти:/ помина́й нас, к Богу име́я дерзнове́ние, Васи́лие.

Сла́ва, и ны́не, Богородичен:

Недомы́сленно и непостижи́мо есть, Владычице Богора́дованная,/ е́же соде́ланное о Тебе́ стра́шное Божие та́инство,/ ибо, необыме́ннаго заче́нши, родила́ еси́/ пло́тию обложе́нна от пречистых крове́й Твоих./ егоже всегда, Чистая, я́ко Сына Твоего́ моли́/ спасти́ся душам на́шим.

Песнь 4.

Заупокойный канон Октоиха, глас 4.

Припе́в: Ди́вен Бо́г во святы́х Свои́х, Бо́г Изра́илев.

Я́вльшеся му́ченицы я́ко свети́льницы, не́бо просвеща́ют церко́вное, и́же и у Спа́са Христа́ про́сят, дарова́ти усо́пшым ослабле́ние.

Припе́в: Упоко́й, Го́споди, ду́шы усо́пших ра́б Твои́х.

Же́зл си́лы иму́ще Кре́ст Тво́й раби́ Твои́, мирско́е мо́ре проидо́ша: и́хже всели́ в го́ру Твою́, Го́споди, в не́йже соде́лал еси́ святы́ню.

Припе́в: Упоко́й, Го́споди, ду́шы усо́пших ра́б Твои́х.

В селе́ния вои́стинну возлю́бленная, я́же избра́л еси́, Влады́ко, и я́же прия́л еси́ рабы́ Твоя́, благоволи́ всели́тися я́ко милосе́рд, иде́же пра́ведных ду́си.

Припе́в: П ресвятая Богородице, спаси нас.

И́же ме́ртвыми и живы́ми облада́яй, вопло́щься я́ко Челове́к из Тебе́, Богома́ти, сме́рть претерпе́ пло́тию Безсме́ртный, разруши́в сме́рти си́лу.