Святии преподобномученицы Белогорскии Варлааме, Антоние и Сергие,

молите Бога о нас!

МОЛИТВА ПРЕПОДОБНОМУЧЕНИКАМ ВАРЛААМУ (КОНОПЛЕВУ),

АНТОНИЮ (АРАПОВУ) И СЕРГИЮ (ВЕРШИНИНУ) БЕЛОГОРСКИМ

О, святии преподобномученицы Белогорскии Варлааме, Антоние и Сергие! Примите ныне сие моление нас грешных и недостойных, чающих вашего заступление о нас пред Господом Славы, во еже да оскудеют в нас злоба сатанина и страсти плотския, и умножится в нас милосердие, сострадание, братолюбие со единомыслием, да вси вкупе с вами и со всеми святыми сподобимся славити и воспевати Пречестное и Великолепое Имя Господне, Отца, и Сына, и Святаго Духа, ныне и присно, и во веки веков. Аминь.

 

 

ТРОПАРЬ ПРЕПОДОБНОМУЧЕНИКА ВАРЛААМА, АРХИМАНДРИТА БЕЛОГОРСКОГО, ГЛАС 8:

От юности пути Христова вожделев, / на горе, Богом избранней, вселился еси, идеже, множество иноков собрав, / сонму христолюбцев светиельник явился еси, / душу же свою за ближния полагая, / безбожными умучен был еси. / Моли о нас Христа Бога, преподобномучениче Варлааме, // чтущих святую          память твою.

 

КОНДАК ПРЕПОДОБНОМУЧЕНИКА ВАРЛААМА,

АРХИМАНДРИТА БЕЛОГОРСКОГО, ГЛАС 4:

Яко постника искуснаго / и страдальца добропобеднаго, / молитвенника усерднаго / и наставника премудраго / достойно почтим Варлаама приснохвальнаго, / ты бо козни вражия низложил еси // и венец правды от Бога приял еси.

 

ТРОПАРЬ ПРЕПОДОБНОМУЧЕНИКОВ БЕЛОГОРСКИХ, ГЛАС 3:

Мужество необоримое, дадеся вам, / святии страдальцы Белогорстии, / жития ради всехвальнаго, / вы бо, верность Христу Богу до смерти сохранивше, / мучения лютая претерпели есте. / Темже, венцы нетления стяжавше, / молитеся о нас прилежно, // да сподобимся оправдания в Страшный День Судный.

 

КОНДАК ПРЕПОДОБНОМУЧЕНИКОВ БЕЛОГОРСКИХ, ГЛАС 6:

Кто возможет изрещи страдания ваша, / святии преподобномученицы Белогорстии, / поругания бо, раны и узы темничныя претерпевающе, / яко вернии раби Господни, / единаго Бога славословили есте // и смерть за Христа восприяли есте.

 

 

МОЛИТВОСЛОВИЯ СВЯЩЕННОМУЧЕНИКУ ВАСИЛИЮ (ПРЕОБРАЖЕНСКОМУ), АРХИЕПИСКОПУ ЧЕРНИГОВСКОМУ, ПРЕПОДОБНОМУЧЕНИКУ МАТФЕЮ (ПОМЕРАНЦЕВУ), АРХИМАНДРИТУ КИЕВО-ПЕЧЕРСКОМУ И ПЕРМСКОМУ И МУЧЕНИКУ АЛЕКСИЮ (ЗВЕРЕВУ)

ПАМЯТЬ 27 / 14 АВГУСТА (+ 1918)

ТРОПАРЬ, ГЛАС № 3:

Светильницы достохвальнии Незаходимаго Света Христова, / велиции подвижницы Веры Истинныя Православныя, / верность свою Господеви даже до смерти мученическия утвердили есте, / святии священномучениче Василие, преподобномучениче Матфее и мучениче Алексие, // молите Христа Бога спастися душам нашим.

КОНДАК, ГЛАС № 5:

Собора Поместнаго члены достоблажении, / усердие велие бо положиста на восстановление Патриаршества в земле Русския, / посланы бысть бо во граде Пермский содержати суждение о мученичестве священномученика Христова Андроника, / сами же бысть умерщвленнии за Имя Христово, / святии священномучениче Василие, преподобномучениче Матфее и мучениче Алексие, // молите Христа Бога нашего спастися душам нашим.

 

ИКОС, ГЛАС № 8:

Велицыи носители Благаго Ига Христова, / державнии столпы Веры Православныя, / неленостнии служители Бога Слова, / мученический венец от лютых безбожник приявшии и вкупе со священномучеником Андроником Нетленное Царствие Божие славне унаследоваша. / Темже молим вас, святии священномучениче Василие, преподобномучениче Матфее и мучениче Алексие, // стране Российстей и веси Пермской в мире спастися.

 

СТИХИРА, ГЛАС № 1 (КОЛЕНОПРЕКЛОНЕННАЯ):

Антиминсы духовнии града Пермскаго, / сосуды чистии благодати Духа Святаго Божия, / сети вражия лютых безбожник смертию мученическою своею попраша, / и весь Пермскую подвигом своим освятиша. / Темже молим вас, святии священномучениче Василие, преподобномучениче Матфее и мучениче Алексие, // подайте нам от Господа Славы оставление прегрешений                             и велию милость.

ВЕЛИЧАНИЕ

Величаем вас, / святии священномучениче Василие, преподобномучениче Матфее и мучениче Алексие, / и чтим честная страдания ваша, / яже за Христа претерпели есте.

 

ПРИПЕВ НА МОЛЕБНЕ:

Святии священномучениче Василие, преподобномучениче Матфее и мучениче Алексие, молите Бога о нас!

МОЛИТВА

О, святии Христовы служителие священномучениче Василие, преподобномучениче Матфее и мучениче Алексие, державнии покровители душ и телес наших! Приимите сие малое моление нас, грешных, заблуждших и недостойных чад Божиих, испросите нам у Господа Бога оставление лютых прегрешений наших, вольных и невольных, исцеление от недугов духовных, душевных и телесных, вы бо еси посланы бысть во граде Пермский исследовати со всем тщанием венец мученичества священномученика архиепископа Андроника, сами же бе сего конца страдальческаго             удостоилися есте.  

 

О, святии священномучениче Василие, преподобномучениче Матфее и мучениче Алексие! Умолите Господа Вседержителя веси Пермстей в Вере Истинней Православней в мире спастися, Архипастырем, пастырем, причту церковному, властем и воинству ея, наипаче же народу ея держати дерзновение исповедовати Веру Христову до скончания века, да сподобимся вкупе с вами и со всеми святыми земли Пермския славити и воспевати Пречестное и Великолепое Имя Господне, Отца, и Сына, и Святаго Духа, ныне и присно,   и во веки веков. Аминь.

 

СВЯЩЕННОМУЧЕНИК ПИМЕН (БЕЛОЛИКОВ), ЕПИСКОП