Тропарь святым Царственным Мученикам, глас 4

Днесь, благовернии людие, светло почтим / седмерицу честную царственных мучеников, / Христову едину домашнюю Церковь: / Николая и Александру, / Алексия, Ольгу, Татиану, Марию и Анастасию. / Тии бо, уз и страданий многоразличных не убоявшеся, / от богоборных смерть и поругание телес прияша / и дерзновение ко Господу в молитве улучиша. / Сего ради к ним с любовию возопиим: / о святии мученики и искупители наши, / гласу покаяния и стенанию народа нашего вонмите, / землю Российскую в любви к Православию утвердите, / от междоусобныя брани сохраните, / мир мирови у Бога испросите / и душам нашим велию милость.

 

Святой благоверный Царь Николай – искупитель греха народа Российского (искупитель России)

Тропарь святому Царю великомученику Николаю II, глас 5

Царства земнаго лишение, узы и страдания многоразличныя кротко претерпел еси, свидетельствовав о Христе даже до смерти от богоборцев, великий Боговенчанный Царю Николае, сего ради мученическим венцем на небесех венча тя с царицею, и чады, и слуги твоими Христос Бог, Его же моли помиловати страну Российскую и спасти души наша.

Тропарь, глас 4

Жертве Христовой в подобие,/ яко Агнец непорочный, волею/ полагаешися во искупление/ греха народа Российскаго,/ царству в себе раздельшемуся/ в Себе же даруеши исцеление,/ святый Царю-искупителю Николае,/ страдания твоя смертная славим,/ ими бо царствие воскрешается/ во славу Царя-Бога Небеснаго,/ и во спасение душ наших.

Величание

Величаем, величаем тя, святый Царю-искупителю Николае, и чтим христоподобный подвиг и страдания твоя, яже за грех народа Российскаго претерпеть изволил еси.

 

Святая Царица-великомученица Александра Новая

Тропарь святой Благоверной Царице-великомученице Александре, глас 3

Призва тя Господь от чуждыя земли, святая благоверная мученице Царице Александро. Православную веру всем сердцем возлюбила еси, с ангельской кротостию горькую чашу страданий с Россией испила еси. Темже у Престола Вседежителева предстоиши с преподобномученицею сестрою, Государем и чады, с ними же моли о нас, чтущих святую память твою.

Тропарь

Все житие твое во Христе есть/ боговенчаная мученице/ святая царица Александра Новая,/ пришла бо еси от иноверия к православию,/ егоже восприяла еси всем сердцем твоим,/ возлюбивши молитву и храм Божий,/ еще же и в поучении святых отец/ возрастивши чада твоя в служении народу своему,/ и уготовивши их к смерти за Христа/ терпяще кротко клевету./ Сего ради молим тя:/ моли спастися душам нашим.

 

Святой Царевич-великомученик Алексий

Тропарь святому Благоверному Царевичу Алексию, глас 1

Благословенное чадо лозы добродетельной, с младенчества страданиями на крест восшедый, душу яко чистое небо имевый, и сердце – пламень к Богу горящий, святый благоверный Царевичу Алексие, с родители мужески пострадавый во искупление грехов народа Российскаго. Ныне же небесною трапезой наслаждаешися, выну Богу вопия: Господи, помилуй землю Русскую.

Тропарь

Всю возложивый/ веру свою на Господа,/ возлюби силу крестную,/ святый мучениче царевичу Алексие,/ сия сила поможе тебе/ понести страдания неисцельного недуга/ чрез все твое житие маловременное/ и с кротостию прияти смерть за Христа,/ и ныне о нас молися в безконечней жизни,/ да подаст терпение и нам Господь,/ верою и любовию совершающим память твою.

 

Святые Царевны-великомученицы Ольга, Татиана, Мария и Анастасия

Тропарь святым Благоверным Царевнам Ольге, Татиане, Марии и Анастасии, глас 4

Небесные голубицы, святые девы: Ольго, Татиано, Марие, Анастасие, сестрами милосердия в час испытаний России послужившии, поношения, заточение и смерть от народа своего с кротостию приемшии, темже души ваши Христу уневестившии. Ныне страждущей стране нашей сестры милосердия явилися есте, исцеляя всякий недуг и всякую язю в людех своих. С Государем, Государыней и Царевичем святым спасительным Крестом землю нашу осеняете, мы же со слезами и любовию молим вас: спасайте нас молитвами вашими, невесты Христовы непорочнии.

Тропарь

Вси святии царевны мученицы,/ невесты Христовы: / Ольга и Татиано,/ Марие и Анастасие,/ яви вас Господь/ яко ангелы во стране Российстей,/ бысть Его чистоты и сострадания образ,/ любовь велию имущия ко всем,/ наипаче к страждущим,/ еюже послужисте по заповеди Христове/ - "боль их бед бе посетисте мене"./ Сего ради ублажаем вас.