IV.2.3.2.6.7. Genetik silahlar

Genetikanın nailiyyətlərinin hərb sferasına tətbiqindən ibarət vasitələr toplumudur. Son dövrlərə qədər bu sahədə ən perspektivli xətt kimi genetik seleksiya prinsipi aktual idi. İnsanın genetik kodunun (genomun) deşifrəsi, insan embrionlarının klonlaşdırılmasının, canlıların transgen dublikatının yaradıla bilməsinin mümkünlüyü və s. kimi kəşflərlə bu sahədəki bütün digər axtarışlar da, arxa plana keçdi və dərhal da kəşfin hərb sferasında tətbiq yerləri araşdırılmağa başlandı. Ümumi olaraq, bu kəşfin hal-hazırda hərbi sahələrdə tətbiqinin, əsasən aşağıdakı istiqamətləri xüsusi diqqət mərkəzindədir:

1) Rəqib əhali və əsgərlərinin beyninə yad lozunqları, baxışları, ideologiyaları onların genetik kodunun transformasiyası vasitəsilə yeritmək;

2) Fiziki güc, dözümlülük, regenerasiya və çeviklik parametrlərinə görə adi insanı qat-qat üstələyən süni insanlar (biorobotlar, androidlər, kiberlər, transgen mutantlar və s.) və ya digər tip canlılar yaradıb orduları onlardan təşkil etmək, yaxud hansısa formadasa hərbi məqsədlər üçün onlardan istifadə etmək;

3) Təhlükəli profillər (məs., yanğınsöndürmə, minaaxtarma, kamikadzelik və s.) üzrə istifadə etmək üçün infantil (dərrakəsiz) mutantlar (zombilər, manqurtlar...) yetişdirmək;

4) Beyninin adi insanlar üçün passiv olan qatları oyandırılmış bu cür mutantlar yaratmaqla, bir sıra sub- və ekstra- sensor effektlər əldə etmək, o cümlədən: telepatiya, telekinez, teleportasiya və s. kimi qabiliyyətlər. Bunlardansa, müvafiq əməliyyatların (məs., kəşfiyyatın və ya təxribatın) effektini artırmaq məqsədilə istifadə etmək və analoji funksiyaya xidmət edən bir sıra bahalı cihazlara (məs., radarlara, gizli qulaqasma qurğularına...) və ya əməliyyatlara qənaət etmək;

5) Xüsusi profillər üzrə istifadə etmək üçün intellektlərinin fərqli sferası hiperinkişaf etdirilmiş mutantlar yetişdirmək;

6) 4 və 5-ci bəndlərdə izah edilən tipli hiperhissiyyatlı və (ya) hiperintellektli mutantları fərqli formada komplektləşdirərək, fərqli proqram rejimində düşünə bilən «biokompüterlər» şəbəkəsi yaratmaq ki, kompüterlərin belə həll edə bilmədiyi bir sıra problemləri onların qrup təfəkkürü vasitəsilə həll edə bilmək;

7) Liderləri təhlükəli məqamda onların dublikatları arasında it-bata salmaq;

8) Rəqib liderlərinin dublikatı vasitəsilə rəqib cəbhəsinə yalançı əmrlər, göstərişlər vermək;

9) Rəqib cəbhəsində onların liderinin və ya adi adamların dublikatlarını yaymaqla, onların hamısını çaş-baş salmağa, hamının bir-birindən şübhələnməsinə, son olaraq rəqib cəbhəsinin dezoriyentasiya olunaraq, iflic vəziyyətinə düşməsinə nail olmaq; və s.

IV.2.3.2.6.8. Zoo – silahlar

Bugünkü hərbiyyədə istifadə edilən qeyri-ənənəvi döyüş vasitələrindən daha bir qrupunu – təlim görmüş döyüş heyvanları təşkil edir. Bu kateqoriyadan itlərin fəaliyyəti nisbətən məşhurdur. Lakin bu, yalnız primitiv nümunədir. Belə ki, müasir hərbiyyədə heyvanlardan olduqca geniş spektrli funksiyalarda istifadə olunur, o cümlədən:

n İtlərdən (Qarabağda istifadə oluna bilər):

— Minaları tapmaq və zərərsizləşdirmək üçün;

— Düşmən kəşfiyyatını tapmaq və zərərsizləşdirmək üçün;

— Sərhədi keçərək lazımi yerlərə mina, elektron müşahidə qurğusu, kəşfiyyat aləti, düşmənin diqqətini yayındıran müxtəlif predmetlər (məs., arxadan hücum təsəvvürü yaratmaq üçün atışma səsi yazılmış maqnitofon) və s. nəql etmək üçün;

... və s. funksiyalarında.

n Delfinlərdən (Xəzər hövzəsində istifadə oluna bilər):

— Sualtı minaları tapmaq və zərərsizləşdirmək üçün;

— Sualtı qayıqları aşkar etmək və onlara maqnitli minalar yapışdırmaq üçün;

— Üzərinə bərkidilmiş xüsusi telequrğu vasitəsilə məsafədən sualtı məkana nəzarət etmək və ya sualtı kəşfiyyat aparmaq üçün;

... və s. funksiyalarında.

IV.2.3.2.6.9. «Humanist» adlandırılan müasir bəzi silah növləri

Müasir dövrdə ayrı-ayrı dövlətlərin hərbi arsenalı «humanist silahlar» adlandırılan vasitələrlə zənginləşmək üzrədir ki, bu kateqoriyadan olan kimyəvi vasitələrə qismən aiddir:

— Dəmir texnika və körpüləri əridən – fövqəlhəlledici turşular;

— Yollara səpilərək asfaltı və avtomobillərin şinlərini əridən – fövqələridici tozlar;

— Təyyarələrin uçuş zolağına səpilərək onu sıradan çıxaran – fövqəlyapışqan; dəmir yollarına səpilərək onu sıradan çıxaran – fövqəlsürüşkən polimerlər;

— Benzin çənlərinə səpilərək yanacağı jeleyə çevirən – fövqəlkatalizatorlar;

— İnsan və texnikanı yerində dondurub saxlamaq məqsədinə xidmət edən – tezdonan köpüklər... Və s...

[ [ [